Nicolas Cage do të preferonte që ai të mos përshkruhet si një “aktor”.

Ylli i “Pig”, 57, foli për preferencën e tij dhe karrierën e tij të gjatë ndërsa ishte në podkastin e “Variety’s Awards Circuit” këtë javë.

“Për mua gjithmonë nënkupton, ‘Oh, ai është një aktor i madh, prandaj ai është një gënjeshtar i madh. Pra, me rrezikun që të tingëllojë si një vrimë pretencioze, më pëlqen fjala ‘thespian’ sepse thespian do të thotë se po hyn në zemrën tënde, ose po futesh në imagjinatën tënde, ose në kujtimet ose ëndrrat e tua, dhe ti po sjell diçka për të komunikuar me audiencën”, tha Cage.

Cage aktualisht po merr vlerësime të mira për performancën e tij në “Pig”, në të cilën ai luan personazhin Rob, një ish-kuzhinier që gjuan tartuf me shokun e tij, shkruan People.

Cage thotë se është mirënjohës që i është dhënë shansi për të luajtur në film nga regjisori Michael Sarnoski, të cilit aktori i referohet si “Kryeengjëlli Michael”.

“E dija pas disa dështimeve që isha margjinalizuar në sistemin e studiove dhe nuk do të më ftonin ata. Gjithmonë e kam ditur se do të duhej një regjisor i ri që do të kthehej ose do të kujtonte disa filma që kisha bërë dhe do ta dinte se mund të isha i duhuri për skenarin e tij dhe të më rizbulonte”, u shpreh aktori.

Dhe kjo është arsyeja pse ai nuk është vetëm Michael. Ai është Kryeengjëlli Michael. Kjo nuk do të ndodhte nëse ai nuk do të kishte mendjen e hapur për të thënë: “Eja me mua”, u shpreh tutje ai.

Cage ka përjetuar një rikthim në karrierën e tij. Ai do të luajë në filmin e ardhshëm “The Unbearable Weight of Massive Talent” si një version i tij.

Me regji të Tom Gormican, filmi përshkruan Cage si një nga superfansët e tij, një bos krimi i quajtur Javi (Pedro Pascal), i paguan Cage një milion dollarë që ylli të marrë pjesë në festën e tij të ditëlindjes, ku pason kaos.

Në film luajnë gjithashtu Tiffany Haddish, Sharon Horgan, Neil Patrick Harris, Ike Barinholtz dhe Lily Sheen – vajza e Kate Beckinsale dhe Michael Sheen.

“The Unbearable Weight of Massive Talent” do të dalë në kinema më 22 prill