Britney Spears refuzon të interpretojë derisa të lirohet nga babai i saj.

Një avokat i Britney Spears i tha një gjykatësi në Los Angeles, që klientja e tij nuk do të përformojë më, përderisa babai ka nën kontroll karrierën e saj, raportoi HollywodGossip.

Britney Spears është nën kujdestarinë e të atit nga viti 2008 pasi ajo përjetoi kriza mendore që quan atë deri tek shtrirja në spital.

https://www.instagram.com/p/CHROQzlgVZq/embed/captioned/?cr=1&v=13&wp=1029&rd=https%3A%2F%2Flajmi.net&rp=%2Fbritney-spears-refuzon-te-performoje-perderisa-eshte-nen-kujdestarine-e-babait%2F#%7B%22ci%22%3A0%2C%22os%22%3A599%2C%22ls%22%3A512%2C%22le%22%3A538%7D

Pasuritë e saj financiare kanë qenë nën kontrollin e babait të saj, James Spears.

“Klientja ime më ka informuar se ajo ka frikë nga babai i saj”, i tha gjykatësit avokati i Britney Spears, Samuel Ingham. “Ajo nuk do të interpretojë përderisa babai i saj është përgjegjës për karrierën e saj”.

Të martën, gjykatësja e Gjykatës Supreme të Los Angeles Brenda Penny nuk pranoi të pezullojë menjëherë rolin e James Spears në kujdestarinë e vajzës së tij, por tha se ajo do të merrte parasysh kërkesat e ardhshme me dokumentacion të mëtejshëm.

Për më shumë se një dekadë, fansat  kanë bërë thirrje “Free Britney”, një lëvizje kushtuar nxjerrjes së Spears nga kujdestaria e saj.