Vijon programi i shfaqjes së filmave dokumentarë të programit “Për hir të kinemasë”, më 13 qershor prej orës 20:30 me “Occupied Cinema” (Okupirani Biskop) me regji të Senka Domanovic.

Më shumë për filmin:

Zaptimi i kinemasë ishte një mundësi që njerëzit të bashkoheshin, të vetëorganizoheshin dhe të menaxhonin një mikroekonomi të mëvetshme, të anashkalonin në thelb logjikën e tregut dhe të shkëputeshin nga aparati ideologjik i shtetit.

Filmuar në vérité style , “Occupied Cinema” ndjek kronikën pushtimin e kinemasë “Zvezda” në Beograd, Serbi; një nga 14 kinematë që dikur i përkiste shtetit dhe më pas iu shit një sipërmarrësi të dyshimtë. Dokumentari ndërthur me shkathësi pamjet nga pushtimi me reflektimet mbi kuptimet e veprimit, duke përcjellë gjithashtu një ndjenjë të vërtetë urgjence dhe pezullimi për atë që erdhi pas.