Artisti i njohur britanik, Ed Sheeran ka publikuar albumin e tij të katërt në studio, të titulluar “Equals”.

Albumi shënon publikimin e tij të parë solo që nga hiti i tij i madh i vitit 2017 ‘Divide’ dhe që kur u martua dhe u bë baba.

“Equals” ka qenë një nga albumet më të shumëpritur të vitit të kaluar, që ka arritur tashmë dy këngë numër një në Mbretërinë e Bashkuar nga albumi, ‘Shivers’ dhe ‘Bad Habits’.

Duke folur me Zane Loëe për Apple Music, Ed tha se albumi është frymëzuar nga momentet e tij të mëdha të jetës:

“Pra, janë kaq shumë pyetje, dhe unë kam mbushur 30 vjeç dhe ndihem sikur disa nga këto pyetje kanë filluar të kenë përgjigje.“Por ata filluan të kenë përgjigje në dy momente shumë masive të jetës sime, që është një, lindja e vajzës sime që është një jetë e re, dhe njëri që është vdekja, pasi vdiq miku im Michael”.

Duke qenë se Ed Sheeran është një nga artistët më të mëdhenj në botë, ka shumë njerëz që duan të ndajnë mendimet e tyre për albumin e tij më të ri.

“Ai e ka bërë përsëri. Një album pa i ndërruar këngët. Është mjaft ndryshe nga të tjerët, por është plotësisht besnik ndaj llojit të kantautorit që është”, shkroi një fans.

Të tjerë kanë komentuar se është “gjëja më e lezetshme që kanë dëgjuar”. Duke shtuar se është “thjesht bukur të kesh një këngë kaq të bukur për të fjetur”.

Me reagimet pozitive të fansave që vërshuan tashmë në mediat sociale, ka shpresë që Ed do të ketë një tjetër album numër një në top-lista për të shtuar në listën e tij