Rifat Ismaili
Nëse koha kalon
Pa na pyetur ne
Durimi ynë është
Fishkëllimë e shkurtër
Që jehon
Mes avujve të ngrohtë
Të bimëve në serë.
Sa duhet
Ta mbajë temperaturën
Një diktator
Qē të sigurojë rendimente?
Durimi ynë është
Një film i heshtur
Me kauboj
Që shtijnë me pistoletë
Mbi fuçitë e verës…
Durimi ynë është
Një piano e shurdhër
Që sentimentalët
Se flakin dot lehtë.
Durimi ynë
Shpenzohet prej diktatorëve
Për të ngritur
Bustet e bronxta
Pas vdekjes…
Sa do na zgjasë
Ky durim i marrë?