Sekreti është zbuluar dhe pritjes i ka ardhur fundi. Biletat për Dua Lipa Studio 2054 tashmë janë në shitje në Festtix, platformën më të re ndërkombëtare për menaxhimin e eventeve, me qendër në Prishtine.

Eksperienca e re dhe shumë-dimensionale do të bëhet livestream të premten, më 27 nëntor, me fillim nga ora 21:30 në LIVENow.

“E xhiruar live në një depo massive në Londër, “Studio 2054” do të jetë festim i jokonvencionales dhe unikes. Dua do të lëvizë nëpër setet e krijuara posaçërisht për shfaqje, ndërsa ofron një shfaqje surreale televizive në disko me rrota, vallëzimeve ekstatike, në skena të lëvizshme, sallone të modës dhe dhoma të zhveshjes të bëra për diva. Me perfomanca të pjesëve të albumit “Future Nostalgia”, “Club Future Nostalgia” dhe albumin e saj debutues, asaj do t’i bashkohen edhe shumë super-yje botërore të muzikës që janë ftuar të papritur, për të dhënë një shpërthim euforik lumturie dhe kohë të mira”, thuhet në njoftimin për media.

Më shumë si një film live sesa shfaqja e zakonshme live, Studio 2054 është një përvojë elektrizuese që e bën Duën të këndojë, të kërcejë në ritëm, të ecë në skenën e vallëzimit bashkë me një grup të super-yjeve të muzikës botërore, interpretues të befasishëm, akrobatë dhe artistë të ndryshëm.

Për shtetet e rajonit, përfshirë edhe vendin tonë, biletat dalin janë tashmë në shitje në https://festtix.co.uk/