ëngëtarja shqiptare Bebe Rexha, thotë se është e lumtur me të dashurin e saj të ri, Keyan Safyari.

31-vjeçarja gjithashtu ka theksuar se “e do jetën me të”.

Madje, ka shtuar se edhe familja e saj janë të kënaqur.

“E duam këtë djalë. Mendoj se është i duhuri. Është shumë i mirë. Është i veçantë, është i dashur, kujdeset për mua dhe e kupton jetën, karrierën time dhe atë se çka dua unë. Edhe familja ime e do”, u shpreh Rexha për “Entertainment Tonight.

Rexha tha se Safyari, ka qenë “shoqëruesi i saj i përkryer gjatë pandemisë”.

“Sinqerisht është i përsosur dhe më bën shumë të lumtur. Nuk isha e vetme gjatë pandemisë. Kam një burrë të mrekullueshëm në jetën time dhe kjo është e përkryer. Jam shumë mirënjohëse dhe po e shijoj jetën time me të”, u shpreh tutje ajo, përcjell KOHA.

Javën e kaluar, këngëtarja shqiptaro-amerikane është fotografuar duke puthur atë në Los Angeles.